ازاى نزود التحرش الجنسى "يوم التدوين ضد التحرش

ازاى نزود التحرش الجنسى 

الحقيقه انا مش عايز اتكلم زى كل المواضيع اللى اتكلمت قبل كده عن الموضوع ده عايز اتكلم بشكل مختلف ازاى ؟ !! 

هاتكلم ازاى نزود التحرش ايوه نزوده ونشوف ايه الاسباب اللى بتزوده ومنعملهاش فى نقط سريعه ومحدده وموضوعيه 

1- نزود الجهل يعنى منهتمش بالتعليم خالص ياراجل بلا علام بلا وجع دماغ "خدوا ايه اللى اتعلمو " 

2 – منثقفش اطفالنا ولا شبابنا اصل الكلام فى ال"الجنس" عيب وبيخدش الحياء 

3- نربى ولادنا ان فى فرق بين البنت والولد "انت حاجه وهى حاجه"

4- نشجع اللى بيتحرش جدا ومنقلوش ان ده عيب او خروج عن المبادى الانسانيه والاخلاق

5- منفهمش المتحرش ان زى مابنتحرش ببنات الناس  هايجى اللى يتحرش باخواتنا وامهاتنا

 - الموضوع ده بقى كله نزوده اكتر امتى بحركه زى حجب المواقع الاباحيه ده هايكون زى صب الزيت على النار يعنى ايه ؟؟

1 –المواقع دى مصدر رزق عالى جدا لشركات النت ومنها الى البلد 

2 –تكلفه الحجب عاليه وهتحتاج تعويض للشركات اللى كانت بتكسب من ناس مش عارفه مصلحتها 

3 –حجبنا المواقع هتظهر تجاره الافلام يعنى بنلغى حاجه بحاجه تانيه اصعب

4 –الكبت هيزيد جدا يعنى بدل التحرش ولد ببنت او العكس هيبقى فى كل حاجه وبين اى سن

5 –نسبه الشواذ هتزيد ودى معروفه فى السعوديه كل الدول اللى مطبقه الحجب

فى النهايه اللى بيقول ان لبس البنت هو اللى بيخلينى اتحرش البنات تلبس براحتها .حريتها والولاد ليها حريتها انها تعلق بس فى حدود حريته وعدم التدخل فى حريه الاخر